VERSE 1
Di tompa Ho do au, sondangi rohangkon;
Tung basa-basaMi sude na di au on.
Gomgomi pamatangku, naeng Ho do oloanku,
Sai lehon ma gogongku, lomoM naeng ulaonku.
Urupi tatap au tutu, Panompa na burju.
VERSE 2
Tuhan Sihophop au, sai buri tondingkon.
Marhite mudarMi torusi ngolungkon.
Pinuji ma GoarMu, arga ma pangkophopMu,
Dibaen pangalahongku, nang nasa ulaonku.
O Jesus Sipalua au, tu Ho ma au patau.
VERSE 3
Tu TondiMi Tuhan hulehon diringkon
Sai tong ma dirajai sandok pamatangkon
Ibana hutangihon, sai saut au ditogihon.
Tu ngolu partondion, manahan di ujian.
O Tondi Parbadia i, sai Ho ma Rajangki.
VERSE 4
Ale Debatangki Sitolusada i
Bongoti rohangki parbadiai ma i
Sai Ho ma lam hutanda gogongku lam paganda
Manangkup haluaon, maniop hatuaon
Ni Ama, Anak, Tondi i, na tong pujion i.
