VERSE 1
Sai palinggas ho tondingku, sai tadingkon ma arsakmu.
Ro ma ho tu hatorangan, asa dapot hasonangan.
Ai tarontang ho saonari, tu haroan na badia,
Na manggomgom parluhutan, naeng tu ho do maringanan.
VERSE 2
Sai ringkoti ma manomu, na pangolu Ho tondingku
Na manuktuk do Ibana, di roham dibaen hataNa.
Ungkap pintu ni rohamu, asa bongot ma Rajamu,
Dok: Ingani ma rohangku, unang be tadingkononMu.
VERSE 3
Sai malungun do rohangku, ale Jesus di basaMu.
Tung na tangis do rohangku, na malungun di mannaMu.
Na mauas do tondingku, ale Jesus di mudarMu.
Pinangido ni rohangku, hasasaor tu Debatangku.
VERSE 4
Las huhut do angka hitir, rohangkon di na hupingkir.
Simosimo ni panganon, di bagasan parpadanan.
Ai na so tardodo roha, pinatupa ni Jahowa.
Ingkon Tondi Parbadia, pabotohon i tu iba.
VERSE 5
Jesus holong ni rohangku, dipadoras Ho langkaMu
Manadinghon hasangapon, mandapothon hajolmaon.
Ai dilehon Ho dagingMu Hangoluan ni tondingku.
Diusehon Ho mudarMu, baen hasaean ni dosangku.
VERSE 6
Jesus, Ho hangoluanku, unang so adong labangku.
Lao manganhon parpadanan, unang tung au hajeaan
Unang so lam huantusi, godang ni pangkaholongi,
Ni rohaM di huriaMu, Na tinobus ni mudarMu
