VERSE 1
Tangihon anggukanggukkon, asi rohaM Jahowa
Mansai tarponjot rohangkon, dibaen godang ni dosa
Tung sura dibaloshon Ho, luhut na sala dompak Ho
Tung ise tartahansa.
VERSE 2
Ai holan asiasiMi, patupa paruntungan
Indada pambaenannami i, tung pe marhasurungan
Sipuji diri talu do; Ingkon mabiar mida Ho.
Sude marhuhuasi.
VERSE 3
Debata do haposanki, indada pambaenanku
Na burju do basaNa i, haposan ni rohangku
Sai tongtong do hataNa i, na mangapuli rohangki
I do hupangasahon.
VERSE 4
Nang salpu ari, borngin pe, so ro dope basaNa
Ndang olo ganggu rohangki, taringot tu gogoNa
Sai songon i ma roha ni, naung tubu sian ginjang i
Debata dihaposi.
VERSE 5
Nang pe nania dosangki, godang pe hajahaton
Gumodang asiasiMi, na gogo paluahon
Jahowa sai asi rohaM, palua nasa huriaM
Sian sude dosana.
