Lirik lagu BE 184 - AUT NA SARIBU HALI GANDA

VERSE1

Nunga tung jumpang au ojahan, ni tondingki na mago i

Mudar ni Jesus do manahan, saleleng ni lelengna i

Nang mago pe portibi on, tongtong do hot ojahan on.

VERSE2

Ai dipaherbang do tanganNa, mangkaoli hajolmaon on.

Dibahen asi ni rohaNa, di isi ni portibi on

Naung ro, nang na so ro dope, naeng toguonNa do sude.

VERSE3

Unang ma mago hajolmaon, di roha ni Jahowa i

Disuru do tu hajolmaon, AnakNa Sipangolu i

Sai dituktuhi hata ni, do pintu ni rohanta i.

VERSE4

Naung lonong do sude dosanta, tu mudar ni Tuhanta i

Ai molo na porsea hita, ndang jadi hona uhum be

Dibaen panjou ni mudar i, na mangondihon jolma i.

VERSE5

Dibahen i sai bonomonku, do au tu paridian i

Hupasesahon do dosangku, tu Jesus, Sipangolu i

Di na tarsolsol bagi au, tu Jesuski tongtong au lao.

VERSE6

Ojahan on do ingananku, saleleng au di tano on

Sai i ma hangoluhononku, saleleng so tos hosangkon

Tongtong do sipujionki, Tuhanku Sipangolu i.