VERSE 1
Aut na saribu hali ganda saringar ni soarangki
Naeng nasa gogo bahenonku mamuji Debatantai
Paboa las ni rohangki hinorhon ni pambaenna i
VERSE 2
Tung sura sahat soarangku tu ujung ni portibion
Naeng nasa jolma haraonku mamuji Debata tongtong
Tama do nasa hosangki hubaen pasangap Tuhani
VERSE 3
Unang ma modom Ho tondingku. sai ngot ma ho sai hehe ma
Radot ma ho di ulaonmu sai puji Tuhan Debata
sai pangke nasa malomi mamujimuji Tuhan i
VERSE 4
Mauliate ma rohangku di Ho o Debata tongtong
dibaen sude denggan basamu naung nilehonmu di au on
ai dipatongon ho tongtong sude na ringkot di au on
VERSE 5
Hupuji dohot Ho o Jesus Marningot asi ni rohaM
Marningot mudarMi na durus Ro di sude dengganbasaM
Patupa haluaon i Di au pardosa godang i.
VERSE 6
Ho pe o Tondi Parbadia Dipuji endeendengkon
Margogo jala marmulia Do Ho mangapul rohangkon
Molo hubaen na denggan i Hinorhon ni gogoM do i
VERSE 7
Ai ise do mamasumasu Au on o Debata nda Ho?
Pamatangkon ro di tondingku Sai diparmudumudu Ho
Huhut lambas do rohaMi Manatap pardosaonki.
VERSE 8
Sai pujionku do basaMu Saleleng na mangolu au
Pasangaponku do goarMu Saleleng na marhosa au
Maradu tos pe hosangki Naeng pujionku sangapMi.
VERSE 9
Sai jalo ma ale Tuhanku Pamujingkon na hurang i
Di surgo pe padengganonku Dung sahat au di lambungMi
Marloksaloksa hali do Disi endehononku Ho.
