VERSE 1
Tu jolo ni Tuhanku, huboan diringkon
Ibana do Rajangku, sigomgom rohangkon
Sai guru di Ibana sudena langkangki
Sai asi ni rohaNa pature bogashi.
VERSE 2
Ai nang pe au targogot, hutatap Rajangki
Sai ro do ganup sogot, pangurupiNa i
Na so pasombuonNa, di pangunjunan i
Sai saut paluaonNa, na hinophopNa i.
VERSE 3
Tutu, ndang sai mansohot, tompu na mohop i
Sipata leleng lohot, tu au na dokdok i
Alai gogongku ganda, mamorsan silang i
Tuhanku do hutanda, jonok di lambungki
VERSE 4
Ditiop do tanganku, sai dihehei do au
Sai tong jonok Tuhanku, ndang dung Ibana dao
TondiNa patorangkon, tu au holongNa i
Sai lam huhadengganhon, hansit ni silang i.
VERSE 5
Di holong ni rohaNa, dibuhul tingkingki
Disi do alaponNa, au tu lambungNa i
HolongNa pujionku, tung salelengna i
Siala sitaonon, niampehonNa i.
