VERSE 1
Saleleng ho di tano on, patigor ma roham
Paingotingot ma tongtong, nidok ni Debatam
VERSE 2
Sai songon hau na denggan ho, ramos parbue ni
Bulungna pe na uli do, antong sai tiru i.
VERSE 3
Godang do hinauli ni, aek mata i tongtong
Pasuman ma dirim tusi, sai baen roham sintong
VERSE 4
Bolongkon sian rohami, luhut na so ture
Alai na sian Tuhan i, ramoti ma sude.
VERSE 5
Sai tiru Tuhan Jesus i, naung ro humophop ho
Pambaenna nang hataNa i, hangoluanmu do.
VERSE 6
Ibana do padomu ho, tu Tuhan Debata
MudarNa diusehon do, di dolok Golgata.
VERSE 7
Arga do hita sasude, ditobus Jesus i
Ai naeng mangolu hita be, di adopanNa i.
VERSE 8
Antong ringgas ma hita be, mangalo dosa i
Tahangoluhon ma sude, na sian Tuhan i.
