VERSE 1
Sitostosi nasa ihot, na binaen ni dosa i
Sai asi rohaM sai topot, hami na tinobusMi
Sai paias rohanami, sian dosa sasude
Paima bali sian hami, nasa roha daging pe.
VERSE 2
I do Jesus ulaonMu, diturpukkon Ama i
Na tongtong naeng radotanMu, paima sun marujung i
Ai ndang jadi mago sada, nilehonNa i di Ho
Ingkon sahat do sudena, tu banuaginjang ro
VERSE 3
Ala ni togihon hami, sahat tu na sun denggan
Sai oloi tangiangnami, lomo ni rohaM hian
Tatap hami na marlea, ala pinarsilangMi
Angka na tongtong porsea, di hataM na sintong i
VERSE 4
Raja sai rajai ma hami, siparmonang, monang ma
Sai taluhon musunami, togu ma tu Debata
Hami angka na marpadan, dibagasan mudarMi
Jala na burju mardalan, tu banuaginjang i.
VERSE 5
Raphon Ho naeng mate hami, jala na marlea pe
Bunu ma hian di hami, roha jea i sude
Sai tumpahi hami monang, ro di ajalnami be
Baen mardame jala sonang, tondinami sasude.
