VERSE 1
Haleluya ari Minggu, ari na dumenggan i
Molo iba lao marpungu, dohot dongan Kristen i
Ari na sumurung i, las ni rohangki do i
VERSE 2
Maradian do tondingku, di na jumpang Minggu i
Nasa arsak ni rohangku, hulonongkon do disi
Tu bagasan roha ni Jesus Kristus, Tuhanki
VERSE 3
Na huula ganup ari, hutundalhon do disi
Asa tarpasarisari, au ngolu ni tondingki
Arta na ummarga i, jumpang au di Minggu i
VERSE 4
Lomo ni rohaM o Tuhan, naeng patupaonku do
Parangengku hupadenggan, asa hupasangap ho
Ulos hatigoran i lehon ma di tondingki
VERSE 5
Sai pahehe ma rohangku, sai ajari ma au on
Jala tongos pangapulMu, tu bagasan rohangkon
Baen sombu sadari on, uas ni tondingkinon
VERSE 6
Pasupasu ma jamita, di huriaMi sude
Sai pasonggop tu pandita, nang tu angka guru pe
Tondi Parbadia i marsahala baen sude
VERSE 7
Paimbaru ma padanmu, dohot na porsea i
Pargogoi ma siseanmu, pasangaphon goarMi
Tangiangna, ende pe sai tangihon ma sude.
VERSE 8
Sai urupi au Tuhanku, paujungkon ari on
Di bagasan tangiangku, songon na hupungka on
Sai huhalungunhon ma SabatMi, o Debata.
